Edisi 20
Halinai
Kaputingannya tapaksa maurut dada
Mun handak baurusan lawan makhluk
Apa lagi wan urang nang badahi
Babarapa tangga birukrasi
Baliukliuk sing tinggian pulang
Harus dijalani
Takulipai batis
Manggah mukuh
Aku tabalik marasa
Nyaman handak badapat lawan tuhan
Banjarbartu, 2006
Musafir
Kada labih nang kupinta wastu du’a
Malunasakan banyu mata harikasahari
Nang gugur ka jajaklangkah
Satiap aku manulis risalah parjalanan
dalam puisi
Du’a adalah titian panyubarangan
Manuju watas
Pambulikan pahabisan manyimpunakan nafas
Banjarbaru,2006
Tafakur Mamandang
Waduk Riam Kanan
mamandang paharatan rupa ikam nang pina tanang
langit nang timbul di atas mangaluarakan warnacahaya
kahidupan wan mangalir matan bibir bandungan ikam
manggalur di batang banyu
kada tahitung lagi barapa kampung, disa, kabun wan
hutanhutan nang marilaakan ikam lahir sampurna
di padangpadang hijau gununggunung nang mangalang
awakikam matan sagala panjuru nang kada suah
tadangar rista wan urangurang kada suah sunyi datang
kamari manimba kahidupan nang ikam bar iakan
aku mamandang pucukpucuk pinus nang badarai
tabalujur tabaca hati ikam
samacam manyimpan ribuan rahasia yang balum suah
siapa aja mau manarjamahakannya
atawa urangurangkah nang kada hakun jauh bapikir
sampai kasana
tahunkatahun imbahanu musim kadakakaruan
rancak luput dari kikiraan cuaca
wan sabujurannya ikam sasain tuha jua
kariput sasain talihat di kaningikam
karana lukaluka ini sasain malahak
aku suah maingatakan parkara ini kapada urangurang
kaya nang suah ikam ajarakan wandiaku
tapi mungkin kaparcayaan ini dianggap mangabuwau
di tangah jaman sabak pasuna
wan manggalur di batang banyu
limpuar sampai kamanamana
karana gunung kada sing hutanan lagi
bukitbukitbatu sudahmanjadi bahan jalanan
rumah pamukiman atawa gadunggadung batingkat
mambayangakan ikam kada iskaya lagi manampung
lurukan hujan nang balalawasan wan luncatan banyu
matan liringliring parbukitan haratanbandungan ikam
sasain japuk dimakan ari
mambayangakan paristiwa sadih nang kada ampihampih
kada tahu lagi barapa kampung, disa, apalagi
lawan nang mandiaminya akan binasa kadada tasisa
dalam tampuhan bandunganikam yang liwar manggairi
mambayangkan sabuah kuta nang bangaran sarambi
makah dalam riwayat nang manyadihakan
masih tasimpan dalam ingatan
sabuah tangis partama wayah ikam diranakakan
manulis ari maranakakan ikam di tabingtabing gunung
wan manulis pahabisan hidupikam di padangpadang
langit wan pupuhunan hijau wan bukitbukit batu
saksi sajarah dari asalmuasal hidup wan kahidupan
tapi jua asalmuasal dari bala
urangurangsalalu marista imbah tajadi bancana
tanapi adakah nang paduli kanapa tajadi bancana
saban aku mamandang parmukan rupa ikam nang biru
lawan sagala pinusikam nang balederu
Tuhan sabujurannya kadada niatan murka wan banuaku.
Banjarbaru, 2001
Danau Kaca
Mamandang ka bawah matan Gunung Sagaling
Baampah sanja matahari di atas danau kaca
Mataku gugur di kacilangan cahaya banyu
Surup mambarasihi pikiran
Kuputiki cahaya marangkai tasbih diri
Manzikiri ari bakal halimun dalam takbirNya
Kutinggalamakan ruhku masuk jauh ka paling dalam
Mahampar du’a malapas kurungan dunia
Gantiakan hindang mataku lawan cahaya danau kaca
Gantiakan banyu mataku lawan banyu danau kaca
Mun matahari sudah bahantak manyimpunanakan ari
Simpunakan jua cahaya danau kaca ka dalam tasbih zikirku
Banjarbaru, 2006
Tidak ada komentar:
Posting Komentar