Edisi 19
Kaganangan Kuriding
Di tangah sungai balarut banyu maunjun jalawat
Jukung unggalungal ditampu h galumbang satimpil
Kantuk ditahan mahadang jarujutnya
Mun mamatuk kada bagasut disisit
Maajar labih larang daripada iwaknya
Matan bakumpai kuriding bailunilun
mahampari arus Sungai Barito
Maulah asa bahahadapan wan kainini
Manarik kuriding di muhara muntung
Basasahutan sambil baigal
Malaruti batang banyu sampai ka hilir
Bahara tadapat kuriding nang maulah dandaman
Jukung balarut maniti riakriak
Malabuh unjun sampai jauh katangah
niat hati bahara sampai
Kuriding kada sahibar ampatlima lagi patah
Tanapi ramuk takubur jauh di jantung Sungai Barito
Wan bakumpai surang kadatahu lagi nangkaya apa
sakira kawa mahidupakannya pulang
Banjarbaru,2006
Ambung Bakul
Muha alahan pada ditapas
Mun tasambuk basa
Kada mambadai suara
Nyaring pada
Hujan makalaham kada
Tapi ada jua nang bamuha kayu
Asal tasurung
Asal baungap
Asal mauntungakan saurang
Tajajak talincaikah
Kada bagaduh
Mun aku kadaah
Kamana maandak muha
Mun ada nang baucap
Ambung bakul
Banjarbaru, 2006
Miang
Miang kajijingahan
Miang tahayut kulipak paring
Miang tapalit jalatang
Miang takana hulat bulu
Masih kada sabarapa
Tapi mun miang
Tamakan pandir
Bakiruh tipang sabukuan awak
Banjarbaru, 2006
Pantun Bakarat
Sakit parut makan tapai
Sakit burut kana japai
ha ha ha ha ha
ha ha ha
ha
Kikicak wadai gayam
Mata picak dipatuk hayam
he he he he he
he he he
he
Kalangkala masak mangkal
Dijajak linyaklinyak
Urang tuha kada baakal
Malawani kanakkanak
hi hi hi hi hi
hi hi hi
hi
Han matijaku
Mun
Manggala gugur ka tahi
Bagaya tuh jadi kalahi
Nangini kada kaya kaluung
Bacakut papadaan
Banjarbaru,2006
Tidak ada komentar:
Posting Komentar