Sabtu, 01 Maret 2008

Edisi 22

22

Lingkar Jaman

Ngarannya Uma Irum

Urangurang tahu inya urang gila

Di bawah parutnya bagantung tarung

Mun tapantuk wayah bajalan

Inya bakuciak akai rung

Ngarannya Amang Ibad

Urangurang tahu inya urang gila

Ngalih di salawari

Inya galak mun tajanaki ampunnya surang

Inya badapat di tangah lurung

Basisingkingan

Imbahitu cuma bulan nang manyaksiakan

Malam manyimpan rahasia kahidupan

Banjarbaru,2000

Basyair Di atas Danau

kuikatakan di cahaya rambulan

mambiarakan jukung sudurku mangapung

dalam alun umbak di tangah danau

dangaram kadundang bathinku

secupaklaang hanyutakan jiwa marindu

jangan ikam biarakan ragabadan takurung dalam bulan

dingai

bukaam jandila purnama atas ngaran cinta

uraiakan rambutpirakikam ding saluruh kasih

langit sudah karing manitikakan banyumataikam dingai

daundaun pinus sudah basah mandaraiakan sisiganikam

kutinggalamakan sudah masadahulukaka

batahuntahun malupa jiwa di tabingtabing batu

saban purnama satiguk laang panawar dandaman

mangapung di satangkai rupaikam, dingai

mari kadundangakan syair kita, ding

rawi parcintaan parjalanan baimbai angin

jangan sakajap jua rupaikam diliput rakun, ding

jangan ada bintang sambunyiakan intan mataikam

manariam putri rambulan

manariam dalam baju pangantin ding

gunung wan rimba sudah lawas ditinggalakan panghuninya,

dingai

nang kaya itu jua bathinkaka

manariam lawan saganap cinta

di atas jiwa mangumbak

biarakan kaka surup dalam mamang tarianikam, ding

biarakan kaka halimun dalam mamang pakaianikam, dingai

supaya bumi aruh dimana kaka batapa

di pitung lapis malaraknya rasa dandaman

di pitung lapis harumnya rupaikamdingai

malupa sagala dandam sunyi

malupa sagala dandam asap satanggi

Banjarbaru, 1981

Kambang Campaka,

Gugur Sakaki

Tanganku jimus marangkai du’a

Mahadang siapa jua nang datang manjumputakan

Tanah mahampar dinginnya subuh

Sisigan nang panjang dibawa angin

Kusilak aminnya :

Kurangkai kalupaknya nang

bahamburan dalam hatiku.

Banjarbaru,2006

Tidak ada komentar: