edisi15
Arakan KuritaNaga
Urangurang tumbur kuciakan :
“ Kuritanya handak bacabur ka sungai, ayu
tangkapiakan. Salamatakan pangantinnya “
Pangantin bibiniannya baragap pisit wan pangantin lalakiannya
Katakutanan
Pangantin lalakiannya dasar ganal hampidal
Pina siap bajagajaga
Kapala naga cagat maitihi sungai matanya mancurung
kaya bula api
Muntungnya manyamburnyambur api
Mandarusut kaampah sungai
Urangurang kuciakan tumbur diharu naga
Kajadian nangkayaini kada suah tarjadi hanyar damini
Hiran banar kaya apa kurita naga baubah jadi naga bujuran
nangini ngarannya kaajaiban
Malihat kajadian nitu
Panglima Tantayungan siap siaga
Mandaunya manimpas pipi kanan naga nitu sampai himpal
Mancurat darah
Naga nitu balalu kambali ka ujud asalnya
Kanapakah mun aku saruan kapangantin
Wayahini
Aku asa sadih
Aku timbul asa kaganangan wayah jaman dahulu
Mun pangantinan musti rami banar
Apalagi aku katuju malihat mun ada baarak kurita naga
mambawa pangantin duduk batatai
Langkap dikawal parajurit tantayungan
Tanapi karasmin arakan pangantin banjar kaya ini
Sudah kadada lagi tinggalam ulih jaman
Urangurang banjar surang kadada sama sakali baniat
mambangkitakan atawa mahidupakan pulang di tanah banjar
Halinai jaman mudirin manyilauakan mata
Kasian banar
Kita sudah malupaakan adat pusaka
wan sanibudaya saurang
Kasian banar
Banjarbaru, 2006
Baadu Barincah
Bahari urang banyak baisian pahumaan nang luas
Banih bakindaikindai kada kamakanan
Sugih bujur
Babarapa kali naik haji pakulih bahuma haja
Baharakat bujur, bujur sakali satahun
Aku kaganangan aruah Kai Adul
Sidin baisian pahumaan sing luasan
Mun musim barincah satiap tahunnya
Handak bamusimtanam
Sidim katuju maadaakan karasmin baadu barincah
Urangurang sakampungan diundang
Banyak urang nang umpat
Apalagi urangnya haratharat barincah
Tajaknya sing ganalan rarapan bulu ngarannya tajak jangkang
Tulakan habis sumbahyang subuh
dimasukakan ka dalam lanjung
Imbah sampai tajaknya di bujurakan kaasalnya
Pasartanya sudah basiapsiap matan hujung ka hujung
Bahahadapan tapi basulisih
Jaraknya kilamkilaman saking luasnya pahumaan
Hujung ka hujung nitu sudah siap lawan sasadiaan makanan
Mun ada nang sudah sampai lalu mamakani sasadiaan
Nang ngarannya banyak urang nang bubujuran bailmu
Sakali ilai gin tajaknya sampai puluhan mitir mandarusut
mambulangkir tagah
Kada sampai matahari naik barincah sudah tuntungan
Kada kawa dipandir lagi mun wayahini
Urang tuhanya sudah matian
Tanah pahumaan taburahai
Asingasingnya barabut wawarisan
ada nang sawat batimpasan
Karakatan sudah kaya kulibir bawang
Parigal ada nang kuluh macammacamai kasudahannya
Lawas aku madam ka banua urang
Imbah bulik aku taungut
Marista dimana kubur aruah Kai Adul
Banjarbaru, 2006
Tidak ada komentar:
Posting Komentar